El amor en los tiempos del cólera

Монголчуудын сайн танил, суут Габриель Гарсия Маркесийн бас нэгэн сод бүтээлийг уншигчдад хүргээд байгаа испани хэлний орчуулагч Б.Нямдоржтой ярилцлага хийжээ.

==================

-Колумбын бичгийн их хүн, Нобелийн шагналт Габриель Гарсия Маркесийн бас нэг гоё ном уншигчдад хүрсэн, тэгэх тэгэхдээ бүр эх хэлнээс нь орчуулагдсан гэхээр сонирхол татлаа?

-Тийм ээ, бидний сайн танил домогт Габогийн “Тахлын үеийн дурлал” (El Amor en los tiempos del colera) гэдэг бас нэг гоё номыг орчуулж гаргалаа. Нэрт зохиолчийн өөрийнх нь хамгийн дуртай, “Зуун жилийн ганцаардал”-аасаа ч илүүд үздэг ном л доо.

Seven Years in Tibet

Төвдөд өнгөрүүлсэн 7 жил номын тухай эрдэмтэн, орчуулагч А.Саруултай хийсэн ярилцлага

1940 оны хавар судлаач аялагч Хайнрих Харрер Гималайн нурууны Нанга-Парбат оргилд хүрэх шинэ зам олох тандалтын аялалаа өндөрлөмөгц нутгийн зүг хөлгийн жолоо залахаар төлөвлөсөн байв. Гэтэл дэлхийн хоёрдугаар дайн энэхүү төлөвлөгөөг орвонгоор нь эргүүлж, аялагчид Энэтхэгийн нутагт байгуулсан холбоотны армийн тусгаарлан хорих лагерьт хүргэгджээ. Харин тэд 1944 онд лагериас оргон зайлж дэлхийн "дээвэр" хэмээн нэрлэгддэг нууцлаг увдист Түвд нутагт хөл тавьж амжив. Түвдчүүд харийнханд нэн таагүй ханддаг байсан тул тэр хоёр "Хориотой хот" Лхаст нэвтрэх зөвшөөрөл олох хүртлээ маш хүнд бэрх замыг туулсан байдаг. Түвдэд ирээд нэг их удаагүй байсан Хайнрих Харер Далай ламын хүндэт багш, дотны сайн нөхөр болсон тэр л мөчөөс эхлэн тогтсон сайхан харьцаа өнөөг хүртэл бат бэх хэвээр үлдэж чаджээ. 1951 онд хятдууд түвдийг түрэмгийлэн эзэлсэнээс хойш энэ улсын автономит эрх устаж, Далай лам Энэтхэг рүү дүрвэн гарсан билээ.

Миний охин бол бурхны бэлэг, тиймээс эх орондоо хэрэгтэй хүн болох ёстой.

Өнөөдөр бүгдээрээ нэг сайхан Монгол ээжийг баярлуулаад ганц ганц дугаарын захиалга өгцгөөчих үү?

Шүрээр автомашины утасны дугаар хэлхэж зарах аргаар хуримтлал үүсгэж охиноо гадаадад эмчлүүлэхээр зүтгэж байгаа энэ гэр бүлийг бүгдээрээ дэмжицгээе.

Шүрийг нэг нэгээр нь хэлхэж 8 оронтой утасны дугаар хийхэд эхэндээ 4 цаг сууж байж 1 дугаар бэлэн болгодог байсан бол одоо 2 цагийн дотор 1 дугаар гаргадаг болжээ. Захиалгыг ихэвчлэн 22.00 - 04.00 цагийн хооронд хийдэг юм байна. Захиалгын үнэ 10,000 төгрөг.

Холбогдохыг хүсвэл 9103-4646 - Нармандах.

Төрийн банк 106100031241 Монголын Нармандах,

ХААН банк - 5021494986 Монголын Нармандах

social networking in k-12

ЕБС буюу K12-д олон нийтийн сүлжээг сургалтанд ашиглахыг зөвшөөрдөггүй. БШУЯ-ны Стратеги, бодлого төлөвлөлтийн газрын дарга Б.Насанбаярын хэлснээр: Сургуулийн орчинд анги болгонд, хүүхэд болгонд бүлгийн facebook, бүлгийн facebook байдгийг мэддэггүй, тусдаа ангид явна гэж байхгүй гэж шааж байна.
Хэрэв үнэн бол БШУЯ-ны Стратеги, бодлого төлөвлөлт Монгол хүүхдийг хааш нь хөтлөөд байна?
Систем судлаач Д.Ганхуягын бэлгэсэн Монгол бол янз бүрийн шашны хогийн сав биш нэвтрүүлгээс хураангуйлав.

Даахь үргээхүй

Ачийн минь онгон даахь үсийг анх удаа хүндэтгэлтэйгээр авч буй ёслол боллоо.
Урт настай
Удаан жаргалтай
Аавдаа ачтай
Ээждээ тустай
Төр улсдаа зүтгэлтэй
Түмэн олныхоо манлай болж яваарай

Master of Science

Охины төгсөлтийн баяр маргааш болно. Түүний өмсөх хувцас нь надад таарч байна.
Бакалавр магистр 2-ын ялгаа нь малгай дээрх шар цацаг аль тал уруугаа унжиж байгаагаар ялгагддаг юм байна.
Bat-Ochir GANBOLD M.Sc.,

Ганцаардал

Европчуудын орчин цагийн өвчин болох ганцаардал тамхинаас илүү хор уршигтай болох нь тогтоогджээ. 300 мянган хүнийг хамруулсан 84 төрлийн судалгааны үр дүнд тулгуурлан мэргэжилтнүүд ийнхүү анхааруулж байна. Ганцаардал хөдөлгөөнгүй байдал болон хэт таргалалтаас илүү хортой. Хамгийн багадаа тамхины утааны хэмжээнээс ч илүү хортой гэнэ.

Мэргэжилтнүүд хүн тэдний урт удаан наслахад эрүүл саруул нийгмийн амьдрал чухал үүрэгтэй хэмээн үздэг. Гэвч өнөө үед эрүүл мэнддээ анхаарч спортоор тогтмол хичээллээд ч хангалтгүй юм байна. Харин тэр бүгдээс илүү нийгмийн амьдралаа идэвхтэй өөрчлөн өргөжүүлэх нь чухал аж. Уг судалгааг АНУ-ын Ута мужийн “Brigham Young” их сургуулийн эрдэмтэд хийжээ.

Viktoria Modesta

Латви гаралтай дуучин, модел бүсгүй Виктория Модеста гэх бүсгүйн видео клип энэ сарын 12-нд Youtube сайтад тавигдсан даруйдаа олныг алмайруулсан юм.

Учир нь түүний нэг хөл хиймэл ч гэлээ тэрээр сул талаа өөрийн давуу тал болгож ёстой л зэвүүн уран бүтээлч гэдгээ харуулаад байгаа юм. 26 настай дуучин бүсгүй эх баригч эмчийн буруугаас болж түнх нь мултарч, хөгжлийн бэрхшээлтэй болжээ.

Тэрээр Хөгжлийн бэрхшээлтэй гэдгээ мэдрэх бүрт надад хэцүү байдаг байлаа. Гэсэн ч би хуучин загварлаг, этгээд сонин зүйлс, уран бүтээл сонирхдог байсан нь дуучин, модель болоход минь их нөлөөлсөн байх хэмээжээ.

Академич Х.Намсрайд Төрийн дээд шагнал, тэргүүн зэргийн одон-Чингис хаан одон гардуулав

Их эзэн Чингис хааны мэндэлсний 852 жилийн ой, Монгол бахархлын өдрийг тохиолдуулан Монгол Улсын Ерөнхийлөгчийн зарлигаар Академич, дэлхийд нэртэй физикч Хавтгайн Намсрайг өнөөдөр Төрийн дээд шагнал, тэргүүн зэргийн одон-“Чингис хаан” одонгоор шагнав. Шагнал гардуулах ёслолд Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Ч.Сайханбилэг нар гэргийн хамт, Төрийн тэргүүн зэргийн “Чингис хаан” одонтнууд, төр, нийгэм, шашны зүтгэлтнүүд оролцов.

Монгол Улсын Ерөнхийлөгч Цахиагийн Элбэгдорж Тэргүүн зэргийн “Чингис хаан” одонг Академич Хавтгайн Намсрайд гардуулан өгсөн юм. Эрдэмтэн Х.Намсрай ийнхүү Төрийн дээд шагнал “Чингис хаан” одонгоор шагнуулсан найм дахь хүн болов. Уг ёслолын үеэр Монгол Улсын Ерөнхийлөгч Цахиагийн Элбэгдорж, Академич Хавтгайн Намсрай нар үг хэллээ.

Бидний хүүхдүүд - төсөл

НЭР: Бидний Хүүхдүүд Хөтөлбөр
ТӨСЛИЙН ХАМРАХ ХҮРЭЭ: Хүүхэд Залуучуудын Сургалт Хүмүүжлийн Тусгай Цогцолбор
ТӨСЛИЙН ЗОРИЛГО: Асрамжийн газартай хамтран ажиллаж хүүхдүүдийн боловсрол болон хүмүүжилд нөлөөлөхүйц ажил хийх.
ТӨСЛИЙН ЗОРИЛТ 1: Хүүхэд Залуучуудын Сургалт Хүмүүжлийн Тусгай Цогцолборын хүүхдүүдийн ирээдүйд нь хэрэгцээтэй сургалт явуулах.
ТӨСЛИЙН ЗОРИЛТ 2: Хүүхэд Залуучуудын Сургалт Хүмүүжлийн Тусгай Цогцолборын хүүхдүүдийг олны танил хүмүүстэй уулзуулж, амралтын нэг өдрийг хамт тоглож, ярилцаж өнгөрүүлснээр амьдралын итгэл үнэмшилтэй болоход нь хувь нэмэр оруулах.
ТӨСЛИЙН УДИРДАГЧ : Д. Буянтогтох

Шинэ сонгогч

Цугларалт 2007.05

Цугларалт 2007.05

Цугларалт 2007.05

Цугларалт 2007.05

Цугларалт 2007.05

Улс төрийн Боловсролын Академийн салбарынхан