Nyamka Kopite

Nyamka Kopite

Монголчуудын сайн танил, суут Габриель Гарсия Маркесийн нийлээд бүтээлийг уншигчдад хүргээд байгаа  испани хэлний орчуулагч, шавь Б.Нямдоржтойгоо уулзаж бүтээлээс нь гарын үсэгтэйгээр хүртлээ.

Б.Нямдорж: Габогийн хоёр оргил бүтээлийн нэг нь Тахлын үеийн дурлал

Nyamka Kopite

Монголчуудын сайн танил, суут Габриель Гарсия Маркесийн бас нэгэн сод бүтээлийг уншигчдад хүргээд байгаа испани хэлний орчуулагч Б.Нямдоржтой уулзлаа.

-Колумбын бичгийн их хүн, Нобелийн шагналт Габриель Гарсия Маркесийн бас нэг гоё ном уншигчдад хүрсэн, тэгэх тэгэхдээ бүр эх хэлнээс нь орчуулагдсан гэхээр сонирхол татлаа?

-Тийм ээ, бидний сайн танил домогт Габогийн “Тахлын үеийн дурлал” (El Amor en los tiempos del colera) гэдэг бас нэг гоё номыг орчуулж гаргалаа. Нэрт зохиолчийн өөрийнх нь хамгийн дуртай, “Зуун жилийн ганцаардал”-аасаа ч илүүд үздэг ном л доо.

-Энэ номыг орчуулах санаа яаж төрсөн юм бэ?

-Маркес гуай энэ зохиолоо одоогоос яг 30 жилийн өмнө бичсэн. Анх, бараг арав гаран жилийн өмнө ч юм уу, Б.Эрдэнэчимэг багшаасаа энэ номын тухай сонсож байлаа. Тэгээд хоёр жилийн өмнө суут зохиолч өөд болоход Испанийн телевизээр түүний тухай маш их ярьж, намтар, ярилцлагыг нь хэдэн цагийн турш гаргасан юм. Тэгэхэд Габо “Тахлын үеийн дурлал”-ынхаа талаар ярихыг сонсоод “За, ерөөсөө энэ номыг нь орчуулъя” гэж шийдсэн.