Ажнай хүлгүүдийн хийморь, хүн зоны энергийн их урсгал нэг дор цогцолсон Хүй долоон худгийн дэнжид жилийн жилд баяр наадамдаа ач холбогдол өгч, тэнд очсон монгол түмэндээ хүндэтгэл үзүүлж, мөн багагүй хөрөнгө хүч зарж нааддаг нэгэн гал бий. Энэ бол Монгол глобал ХХК-ийн Цэнгэлийн манлай уяачдын гал юм. Жишиг галаар хэдэнтээ тодорсон тэднийхийг нийслэлчүүд төдийгүй эх орны өнцөг булан бүрээс ирсэн наадамчид, тэр байтугай монгол наадмыг сонирхохоор Монголд хөл тавьсан аялагч, жуулчид анддаггүй.Монгол наадмын чимэг, Хүй долоон худгийн өнгө болсон тус гал жилээс жилд тохижиж, хүндэтгэлийн өргөө гэр олныг нэмжээ. Бас оройн цагаар залуус суух гэр баар байна. Уламжлалт монгол гэрийг орчин үеийн загвараар бүтээсэн, тав тухтай, тохилог өргөөнд халуун хоол ундаар дайлуулах зочид наадмын өнгийг хүүрнэж сууна.
No comments:
Post a Comment